Qaraqalpaqstan Respublikası Málimleme-kitapxana orayı

 Ózbekstan Respublikası Ministrler Kabinetiniń 2025 jıl 31-iyuldaǵı «Watan ushın, millet ushın, xalıq ushın!» súreni astında «Ulıwma milliy tatıwlıq festivalı»ın ótkeriw ilajları haqqındaǵı 63-sanlı jıynalıs bayanı orınlanıwın támiyinlew maqsetinde, 2025 jıl 22-avgust kúni Nókis qalası «Turan» balalar dem alıw máskanı balaları arasında «Shaxmat álemi» atamasında háreketli oyını jarısı bolıp ótti. Oyındı Qaraqalpaqstan Respublikası Málimleme kitapxana orayı ulıwma oqıw zalı sektorı baslıǵı B. Uteniyazova, úlketanıw sektorı baslıǵı A. Arzimbetovalar shólkemlestirdi. Oyındı ótkeriwdegi maqsetimiz, dem alıw máskanı balaları ortasında salamat turmıs tárizin qáliplestiriwden ibarat. Oyın 5 juplıq ortasında bolıp ótti. Hár bir juplıq ózleriniń aqıllıǵın kórsete otırıp ózara bellesti. Oyın juwmaǵında 1-orındı Kadirbaev Damir, 2-orındı Bazarbaev Azamat, 3-orındı Bektursınov Jasurlar iyeledi. Oyın jeńimpazları hám qatnasıwshılarına shólkemlestiriwshiler tárepinen estelik sawǵaları tapsırıldı.