
«Tálimge itibar-keleshekke itibar» atamasında sáwbetlesiw keshesi haqqında
- By Арман --
- Monday, 27 Mar, 2023
2023 jıl 28-mart kúni Tashkent Informaciyaliq texnologiyalari universiteti No'kis filialinda Qaraqalpaqstan Respublikası málimleme kitapxana orayı qánigeleri menen birgelikte 2023- jıl «Insanǵa itibar hám sapalı bilimlendiriw jılı» na baǵıshlanıp «Tálimge itibar-keleshekke itibar» atamasında sáwbetlesiw keshesi bolıp ótti.
Keshede Jaslar menen birge islesiw boyinsha dekan orinbasari Usman Turumbetov, málimleme kitapxana orayı ulıwma oqıw zali baslıģı Bolģanay Uteniyazova, Elektron resurslardan paydalanıw hám oqıw zallari xızmeti qánigesi Raygul Aymurzaeva hám Telekommunikaciya texnologiyalari ha'm ka'siplik ta'lim fakulteti 2-kurs student jasları qatnastı.
Keshede U.Turumbetov kitap oqıw hám kıtapqumarlıq mádeniyatın asırıw, bos waqıtın mazmunlı ótkeriwleri ushın jazıwshı shayırlarımızdıń dóretpeleri menen tanısıwın, B. Uteniyazova óz sózinde tálimge itibar keleshegimiz bolģan jaslardıń tariyxımızdı, milliy mádeniyatımızdı elede tereńirek u`yreniwinde hám sapalı bilim alıwında kitap hám kitap oqıw mádeniyatın asırıw kerekligin hám R.Aymurzaeva Málimleme kitapxana orayı hám kitap oqıwshılar ushın shárt-shárayatlar jaratılǵanlıǵı haqqında aytıp ótti. Qatnasıwshı jaslar ózleri qızıqtırģan sorawların berip juwaplar aldi