“Metodistler mektebi” “Bibliograflar mektebi” hám “Katalogizatorlar mektebi” oqıw-shınıǵıwları

2023 jıl 10 may kúni Qaraqalpaqstan Respublikası Málimleme-kitapxana orayı qánigeleri tárepinen Qaraqalpaqstan Respublikasi pedagoglardı jańa metodikaǵa úyretiw orayında kitapxanashı qánigeler ushın “Metodistler mektebi” “Bibliograflar mektebi” hám “Katalogizatorlar mektebi” oqıw-shınıǵıwları bolıp ótti.

Oqıw-shınıǵıwǵa Qaraqalpaqstan Respublikası Málimleme-kitapxana orayı  qánigeleri hám bilimin jetilistiriwge kelgen kitapxanashı qánigeler qatnastı. Oqıw shınıǵıwdı Ilimiy – metodika xızmeti baslıǵı V. Tanirbergenova kiris sóz benen ashtı hám alıp bardı.

Oqıw shınıǵıw dawamında Ilimiy metodika xızmeti baslıǵı V.Tanirbergenova Málimleme-kitapxana jumısları boyınsha normativ – huqıqıy hújjetler bazası, Málimleme – kitapxana jumısları boyınsha mámleketlik standartları, normativ hújjetlerdiń túrleri, mámleketlik standartlardıń áhmiyeti, mazmunı, atqaratuǵın xızmetleri haqqında, Maǵlıwmat-bibiliografiya xızmeti  baslıǵı G. Abbazova maǵlıwmat-bibliografiya xızmetinde alıp barıp atırǵan jumısları, tiykarǵı túsinikleri, metodologiyası hám texnologiyası, Málimleme-kitapxana oraylarında bibliografiya jumısın shólkemlestiriw, bibliografiya sózi, mazmunı, atqaratuǵın xızmeti, bibliografiya jumıslarınıń shólkemleskenligi, mámleketlik bibliografiya, usınıw dizimleri,  kórsetkishlerdiń túrleri, shaxs biobibliografiyasınıń maqseti, mazmunı “Ózbekstan Milliy kitapxanasında «Milliy ulıwma tálim elektron kitapxana» joybarı tiykarında «UzNEL milliy dástúrinde gazeta-jurnal maqalalarınıń analitik  jazıwın kiritiw tártibi»  haqqında, sonday – aq oqıw shınıǵıw dawamında Kataloglastırıw hám málimleme-kitapxana fondların qayta islew xızmeti baslıǵı M. Uteniyazova  “Málimleme-kitapxana mekemelerinde kitapxana fondların kataloglastırıw” atamasındaǵı prezintaciyasında qánigelerdi Mámleketlik  standartlar tiykarında elektron katalogın nátiyjeli shólkemlestiriw ushın málimleme-kitapxana resursların kataloglastırıw, predmetlestiriw hám sistemalastırıw boyınsha jumıs islew barısı. UZNEL milliy elektron katalogına maǵlıwmatlar kiritiw, hújjetlerdi texnikalıq jaqtan qayta islew, hújjetlerge mámleketlik standartlar tiykarında bibliografiyalıq sıpatlaw beriw kerek ekenligi, Bibliografiyalıq sıpatlama quramı boyınsha, hújjetlerdi sistemalastırıw KBK hám UOK klassifikaciya jumısların alıp barıw, kitap oqıwshılarǵa xızmet kórsetetuǵın alfavitli - sistemalı katalogı,  alfavit-xızmet katalogı hám topografik kataloglardıń áhmiyeti, maqseti hám ayırmashılıqları boyınsha keń túrde maǵlıwmatlar  berdi.

Oqıw-shınıǵıwlar dawamında kitapxanashı qániygeler menen soraw-juwaplar bolıp ótti.