«Danalıǵı gózzallıqqa ulasqan insanlar» atamasında keshe shólkemlestirildi

    Qaraqalpaqstan Respublikası málimleme kitapxana orayı qánigeleri tárepinen 2023 jıl 11-may kúni Nawayı ma'mleketlik kánshilik ha'm texnologiyalar universiteti janındaģı Nókis kánshilik institutında Ózbekstan Qaharmanı, Ózbekstan  hám  Qaraqalpaqstan xalıq  shayırı I. Yusupov, Ózbekstan Qaharmanı, Ózbekstan  hám  Qaraqalpaqstan xalıq  jazıwshısı T.Qayıpbergenov tuwılǵanınıń 94 jıllıǵına baǵıshlanıp «Danalıǵı gózzallıqqa ulasqan insanlar» atamasında keshe shólkemlestirildi.

    Keshege Ózbekstan Respublikasına xızmet kórsetken jurnalist, Qaraqalpaqstan Respublikasına miyneti sińgen mádeniyat xızmetkeri, “Ayqulaq” tele-kórsetiwi baslawshısı, A.Óteniyazova, Úlketanıw maǵlıwmatlar sektorı baslıǵı G.Ablakimova hám No'kis ka'nshilik institutı student jasları qatnastıp, keshe miymanı A.Óteniyazova T.Qayıpbergenov  Qaraqalpaq xalqınıń tań juldızı dep táriyp berilgen bul ullı tulǵa qaraqalpaq ádebiyatı tariyxında salmaqlı iz qaldırdı, ádebiy jóneliste óz aldına bir dáwirdi júzege keltirip úlken mektep jarattı, oǵada qunlı shıǵarmalar dóretip qaraqalpaq proza janrın biyik shıńlarǵa alıp shıqtı hám onı dúnya ádebiyatı menen baylanıstırdı, I.Yusupov degende birden qaraqalpaq xalqı, Qaraqalpaqstan úlkesi, kóz aldımızǵa keledi. I. Yusupov shıǵarmaların oqıǵan hár bir insan qaysı millettiń wákili bolıwına qaramastan turmıs simfoniyasınıń ájayıp tarlarınıń namaları haqqında aytıp ótti.

Keshede T. Qayıpbergenov hám I. Yusupovtıń dóretiwshiligine tiyisli ádebiyatlardan kitap kórgizbe shólkemlestirildi hám student jaslar T. Qayıpbergenov hám I. Yusupovtıń shıǵarmalarınan, qosıqlarınan úzindiler hámde namaǵa salıp qosıqlar aytıp berdi.