Balalarǵa bereyik dúnyanı

2023-jıl 31-may kúni Qaraqalpaqstan Respublikası Málimleme kitapxana orayında Xalıq aralıq balalardı qorǵaw kúnine arnalǵan “Balalarǵa bereyik dúnyanı” atamasında kitap -súwretli kórgezbe ashıldı.

Kitap -súwretli kórgezbede paydalanıwshılardı dúnya balalarınıń turmısı menen tanıstırıwshı  dóretpeler, balalar ushın jazılǵan ertekler, gúrrińler hám qosıqlar toplamları orın alǵan.

Kórgezbege kelgen paydalanıwshılar házirde balalar ushın baspadan shıģarılıp atırģan jańa kitaplar menen tanısıw, ózleri jaqsı kórgen ertek kitapların betlep, pák balalıq dúnyasına sayaxat etiwleri múmkin.