«Jurt iyesi sensen – balajan»

Balalıq insan ómiriniń eń gózzal, umitlerge toli, táshwishlerden jiraq, hushlı máwsimi.  Bul máwsim tabiyatı birǵana kulkisi menen pútkil álemdi nurlandirǵan, kewillerge quwanısh, shadlıq inám etedi. Insan ómirine mazmun baǵıshlab ómirge muxabbat hám qızıǵıwshılıǵın kúsheytedı. Sol ushin biz balalıqtı hár dayım sagınamız balalardı súyip erkelep, Jaratqanniń biybaha jemisi, dep olarǵa barlıǵımızdı beremiz.

   2023 jil 31- may kuni Qaraqalpaqstan Respublikası Málimleme kitapxana orayında Nókis qalası ulıwma mektepke shekemgi 20-sanlı balalar baqshası menen birgelikte «Jurt iyesi senseń-balajan» atamasında (1-iyun xalıq aralıq balalar kúnine) bagıshlanǵan keshe shólkemlestirildi. Keshege Nokis qalası ulıwma mektepke shekemgi 20-sanli balalar baqshası orta topar tarbiyashısı S.Aymurzaeva ham tarbiyalaniwshıları,  Qaraqalpaqstan Respublikası Málimleme kitapxana orayi baslanǵısh kásiplik awqamı komiteti baslıǵı M. Uteniyazova, Elektron resurslardan paydalanıw hám oqıw zalları xızmeti baslıǵı J. Tleubaeva, Ulıwma oqıw zalı sector baslıǵı B. Uteniyazovlar qatnastı.

Kesheni B. Uteniyazova kiris sozi menen ashıp balalrdı bayram menen qutlıqladı. Málimleme kitapxana orayı jámaati atınan J.Tleubaeva qutlıqlap hám óz sózinde jáhánnıń kópshilik mámleketlerinde jazdıń dáslepki kúni balajanlar ushın úlken bayram esaplanadı. Xalıq aralıq balalardı qorǵaw kúni balalardı saqlaw hám olardıń huqıqların qorǵawǵa arnalǵan bayram bolıp tabıladı dep aytıp ótti. Keshe dawaminda orta topar tarbiyashısı S.Aymurzaeva tárepinen tayarlanǵan bayramǵa arnalǵan qosıq hám ayaq oyınlar qoyıp berildi. Qaraqalpaqstan Respublikası Málimleme kitapxana orayı baslanǵısh kásiplik awqamı komiteti tárepinen sawǵa hám diplomlar menen sıylıqlandı.