No icon

«Xan atlas» milliy festivalı haqqında

Ózbekstan Respublikası Shańaraq hám hayal-qızlar mámleketlik komiteti baslaması menen elimizde «Xan atlas» milliy festivalı ótkerildi. Qaraqalpaqstan Respublikası shańaraq hám hayal-qızlar komiteti menen birgelikte Qaraqalpaqstan Respublikası sawda-sanaat palatası basqarması imaratında «Xan atlas» festivalı shólkemlestirildi. Sáne múnásibeti menen Qaraqalpaqstan Respublikası málimleme-kitapxana orayında jumıs islewshi hayal-qızlar hámde klub aǵzaları menen «Xan atlas» festivalında belsene qatnastı.

                  Festivaldı Qaraqalpaqstan Respublikası shańaraq hám hayal-qızlar komiteti baslıǵı Mariyam Ahmedova ashıp berdi. Ol óz sózinde bárshe hayal-qızlardı festival menen qutlıqladı, milliy kóyleklerimizde xalqımızdıń mıń ásirlik ótmishi, úrp-ádet hám dástúrlerimiz, milliy qádriyatlarımız haqqında óz pikirlerin bildirdi. Festival dawamında Nókis mámleketlik mádeniyat institutı jasları qatnasıwında qosıqlar aytılıp, klub aǵzaları tárepinen milliy kóylekler bolǵan xan atlaslardan tigilgen modalar kórgizbesi menen qatnasıwshılar názerine usınıldı. Atlas óziniń gózzallıǵı, takirarlanbaslıǵı, dunyanıń hesh qaysı jerlerinde ushıramaslıǵı menen qádirli. Festivaldıń tiykarǵı maqseti hám milliy kóyleklerimizdi xalqımızdıń ásirlerge tutasqan ótmishi, úrp-ádeti hám dástúrlerin joǵaltpawdan ibarat.

Комментарий жазыўшы:

Комментарий (0)