“Ádiwliseń, Ullısań, aziz ustaz ” atamasında ushırasıw keshesi shólkemlestirildi

2023- jıl 29- sentyabr kúni Qaraqalpaqstan Respublikası Málimleme-kitapxana orayı tárepinen 1-oktaybr Muǵallimler hám ustazlar kúnine baǵıshlanǵan “Ádiwliseń,Ullısań, aziz ustaz ” atamasında ushırasıw keshesi shólkemlestirildi.

Keshege Ájiniyaz atındaǵı Nókis mámleketlik pedagogikalıq institutınıń fizika-matematika fakultetiniń jaslar menen islesiw boyınsha dekan orınbasarı Xalmurat Esemuratov, Súwretlew óneri hám injinerlik grafikası tálim fakultetiniń jaslar menen islesiw boyınsha dekan orınbasarı Aybek Bazarbaev, aģa ustaz Liza Saxanova  hám student jaslar qatnastı.

Ilajda sózge shıqqan X.Esemuratov Ustaz ullı. Ustazdı biykarǵa atańday ullı kórmeydi. Áke perzenttiń dúnyaǵa keliwine baslawshı insan, ustaz bolsa onı kámillikke jetekleytuġın ullı insan ekenligi, usınıń nátiyjesinde oqıtıwshılar hár jılı húrmetlenip izzetlenip kelingenligin, A.Bazarbaev “Bir hárip úyretkenge qırıq jıl sálem ber” degen hikmetli sóz biykarǵa aytılmaǵan, hár bir insan ózine bilim, tárbiya bergen ustaz hám muǵallimlerine bir ómir minnettar bolıp jasaydı dep bársheni muǵallimler hám ustazlar kuni menen qutlıqlap, mashaqatlı jumıslarında tabıslar tilep qaldı.