«Ózbekstan ulıwma úyimiz!» atamasında keshe haqqında

Usı jıl 17 noyabr kúni Samarkand veterenariya medicinası, sharwashılıq hám biotexnologiyalar universiteti Nókis filialı zalında «Ózbekstan ulıwma úyimiz!» atamasında keshe bolıp ótti.Keshege Qaraqalpaqstan Respublikası Málimleme-kitapxana orayınan J.Tleubaeva, B.Uteniyazova, filialdıń jaslar menen islesiw hám ruwxıylıq-aǵartıwshılıq bólimi baslıǵı A.Seytkamalov hám student jaslar belsene qatnastı.Keshe qatnasıwshıları mámleketimizde kóplegen millet wákilleri awızbirshilikte jasap kelmekte. Olar ortasında ásirler dawamında milliy kelispewshilikler bolmaǵan. Xalqımız ázelden keńpeyillik, miymandoslıq, keshirimlilik, basqalardıń úrp-ádetleri hám dástúrlerin qádirlew arqalı ulıwma insanıylıq páziyletlerin kórsetip kelgen. Milletleraralıq tatıwlıq ulıwmalıq dástúr bolıp, túrli xalıqlar birgelikte jasap kelgen mámleketimizdiń kelesheginiń milliy rawajlanıwın belgileydi, tınıshlıq hámde awızbirshilik kepilligi bolıp xızmet etkenligin aytıp ótti.Keshe dawamında jaslarımız  ózleriniń tayarlanǵan túrli millet ayaq oyınların atqarıp berdi. Keshe kóterińki ruwhta juwmaqlandı.