“Kitap atamasın tabıń?” bellesiwi haqqında

2023 jıl 22 noyabr kúni Qaraqalpaqstan Respublikası Málimleme kitapxana orayı zalında “Kitap atamasın tabıń?”  bellesiw oyını ѳtkerildi. Bellesiwge I.Yusupov atındaǵı dóretiwshilik mektebi oqıwshıları Balnur Madreymova, Ayzada Ajiniyazova, Dilnoza Jumaniyazovalar qatnastı. Bellesiwdi Ulıwma oqıw zalı sektorı baslıǵı Bolǵanay Uteniyazova shólkemlestirdi hám alıp bardı hámde Qaraqalpaqstan Respublikası Málimleme kitapxana orayı elektron resurslardan paydalanıw hám oqıw zalları xızmeti baslıǵı Jibek Tleubaeva, Nókis innovaciya institutı tyuterleri Zuxra Aytimbetova, Marjan Utemuratova, I. Yusupov atındaǵa dóretiwshilik mektebi kitapxanashısı Gulshat Uzakbergenovalar bahalap bardı. Jarıs 3 shártten ibarat bolıp 1 shárt “Kitap atamasın tabıń?”, 2 shárt “Avtorın tabıń?” 3 shártte ózbek hám qaraqalpaq jazıӯshı, shayırlarınan birneshe sorawlar ortaǵa taslanıp, qatnasıwshılar tárepinen anıq hám qısqasha juwaplar berildi. Jarıs juwmaǵında 1 orında Madreymova Balnur, 2 Orındı Ajiniyazova Ayzada, 3 orındı Jumaniyazova Dilnozalar iyeledi hám diplom, qımbat bahalı sıylıqlar menen sıylıqlandı.