«Qádiriń bálent bolsın ana-tilim» atamasında ushırasıw keshesi haqqında

            Qaraqalpaqstan Respublikası Málimleme-kitapxana orayın zalında 2023-jıl 28-noyabr kúni  “Qádiriń bálent bolsın ana-tilim” atamasında   ushırasıw keshesi shólkemlestirildi. Ushırasıw keshege Ózbekstan Ilimler akademiyası, Qaraqalpaqstan bólimi,  qaraqalpaq  gumanitar pánler, ilim izertlew institutı bas qániygesi E. Orazımbetova,  Nókis innovacion institutı finans hám  finans  texnologiyaları qánigeligi1-kurs studentleri, tyuteri S.Tabınbaev, Nókis  qalası  11-sanlı  ulıwma  bilim  beriw mektebi  qaraqalpaq  tili hám ádebiyatı páni muǵallimi   T.Dosbergenova,  usı mekteptiń 7-klass oqıwshıları,  I.Yusupov atındaǵı dóretiwshilik mektebi qaraqalpaq tili muǵallimi  A. Masharipova hám oqıwshıları  ózleriniń  qaraqalpaq tili haqqındaǵı qosıqları  menen  qatnastı.

Keshedemiymanlar qaraqalpaq  tiline  til  biyligi  berilgenine  bıyıl  34-jıl  tolıw  múnásibeti menen  bársheni  qutlıqladı. “Til baylıǵı-el baylıǵı” degenindey,  til adamlar arasında qarım-qatnas jasawdıń eń áhmiyetli qural xızmetin atqaradı.  Til sóylew arqalı júzege shıǵadı. Adam óz-oy pikirin awızsha sóylew arqalı yamasa jazıw arqalı basqalarǵa bildiredi hám  basqalardıń, oy-pikirin tıńlaw arqalı yamasa oqıw arqalı biledi. Tildi júzege  shıǵarıwshı,  awızsha sóylew, jazba sóylew hár biri óz ornında qarım-qatnastı támiyinlewde oǵada úlken áhmiyetke iye ekenligi, tilde hár bir xalıqtıń ótmishi, milliy qádriyatı, úrip ádeti, mádeniyatın bildiredi, til- arqalı  hár qanday millet  yamasa xalıq  ózine  tán  milliy  ózgesheligine  iye  boladı,  milliy  tili  arqalı  basqa  milletlerden  ajıralıp  turadı. Ásirler  dawamında áwladlardan-áwladlarǵa   ata-babalardan  miyras  bolıp  kelgen  óz-ana tilinde  sóylesiw,  pikir  alısıw, erkin-qarım  qatnas  jasaw    insan  ushın  qádirli ekenligi haqqında aytıldı. Keshede Málimleme kitapxana orayı electron resurslardan paydalanıw hám oqıw zalları xızmetibaslıǵı J. Tlewbaeva miymanlarǵa kitapxana jámááti atınan minnetdarshılıq bildirdi hám  jaslar ózlerin qızıqtırǵan sorawların berip, juwaplar aldı.