Qaraqalpaqstan Respublikası Málimleme-kitapxana orayı qánigeleri tárepinen kóshpeli oqıw-shınıǵıwlar ótkerildi

2024 jıl 17 aprel kúni Qaraqalpaqstan Respublikası Málimleme-kitapxana orayı qánigeleri tárepinen Qaraqalpaqstan Respublikasi pedagoglardı jańa metodikaǵa úyretiw orayında kitapxanashı qánigeler ushın “Metodistler mektebi” “Bibliograflar mektebi” hám “Katalogizatorlar mektebi” oqıw-shınıǵıwları bolıp ótti.Oqıw shınıǵıwǵa Qaraqalpaqstan Respublikasi pedagoglardı jańa metodikaǵa úyretiw orayında bilimin jetilistirip atırǵan kitapxanashı qánigeler   qatnastı.Oqıw shınıǵıwdı Ilimiy-metodika xızmeti baslǵı V.Tanirbergenova ashtı hám alıp bardı. V.Tanirbergenova Málimleme-kitapxana jumısları boyınsha normativ- huquqıy hújjetler, Málimleme-kitapxana jumısları boyınsha Ózbektsan Respublikası Mámleketlik standartlar hám onıń áhmiyeti haqqında, Maǵlıwmat-bibiliografiya xızmeti  baslıǵı G. Abbazova maǵlıwmat-bibiliografiya xızmetiniń jumısları, tiykarǵı túsinikleri, metodologiyası va texnologiyası, shólkemlestiriw jumıslar, wazıypaları, mámleketlik bibliorgafiyası, usınıw dizimleri, bibliografik kórsetkishlerdiń túrleri, shaxs biobibliografiyasınıń maqseti, Ózbektsan Milliy kitapxanasında «Milliy ulıwma tálim elektron kitapxanası» joybarı tiykarında «UzNEL milliy dástúrinde gazeta-jurnallardıń maqalaların analitik jazıwın kiritiw tártibi» haqqında, Kataloglastırıw hám málimleme-kitapxana fondların qayta islew xızmeti baslıǵı M. Uteniyazova Mámleketlik standartları tiykarında kataloglardı jaratıw ushın málimleme-kitapxana resursların kataloglastırıw hám dástúrlew boyınsha jumıs barısı, UZNEL Milliy elektron katalogına maǵlıwmatlar kiritiw, hújjetlerdi texnikalıq jaqtan qayta islew, hújjetlerge mámleketlik standartlar tiykarında bibiliografik sıpatlaw beriw kerekligin, hújjetlerge  BBK va UOK klassifikaciya jumısların alıp barıw, kitap oqıwshılar ushın alfavitli hám sistemalı, alfavitli xızmet katalogı hám  topografiyalıq kataloglardıń áhmiyeti hám maqseti haqqında keńirek maǵlıwmatlar berildi. Oqıw shınıǵıw sońında qatnasıwshlar menen soraw-juwaplar bolıp ótti.