«Qaraqalpaq ádebiyatınıń jarıq juldızı»

2024 jıl 10 - may kúni Qaraqalpaqstan Respublikası Málimleme-kitapxana orayı qánigeleri tárepinen Nókis  qalası  11-sanlı  ulıwma  bilim  beriw mektebinde  Ózbekstan Qaharmanı, Ózbekstan hám Qaraqalpaqstan xalıq jazıwshısı T.Qayıpbergenov tuwılǵanınıń 95 jıllıǵına baǵıshlanıp «Qaraqalpaq ádebiyatınıń jarıq juldızı» atamasında keshe shólkemlestirildi. Keshege Nókis  qalası  11-sanlı  ulıwma  bilim  beriw mektebi  direktor  orinbasari  A. Jiemuratova,  qaraqalpaq  tili hám ádebiyatı páni muǵallimi  T.Dosbergenova, Úlketanıw maǵlıwmatlar sektorı qánigesi A. Arzımbetova hám mektep oqıwshıları qatnastı. A. Jiemuratova T.Qayıpbergenov qaraqalpaq xalqınıń maqtanıshı, sheber sóz iyesi, Qaraqalpaq atın pútkil dúnyaǵa óz shıǵarmaları menen tanıta alǵan Qaraqalpaq perzenti, babamız qaraqalpaq  xalqınıń dramatizmge  tolı  ómir táǵdirin, milliy  romanshılıǵımızdıń  tiykarın  salıwda  úlken dóretiwshilik shıńına  kóterilgen jazıwshı ekenligin, A. Arzımbetova shayırdıń hár bir shıǵarması óz aldına bir dúnya, olardı oqıw kerek, sonda olar seniń kóz aldıńa ayrıqsha, qaytalanbas, gózzal, kórkem múlk sıpatında gewdelenip, tawsılmas aǵla sezimler baǵıshlaydı dep atap ótti. Keshe dawamında bul ullı tulǵanıń shıǵarmalarınan kórkemlep oqıwlar hám saxnalıq kórinisler    jıynalǵanlar názerine usınıldı.