«Shańaraq muqaddes» atamasında bolıp ótken tańlaw

Qaraqalpaqstan Respublikası Málimleme kitapxana orayında 15- may Xalıqaralıq shańaraq kúni múnásibeti menen 2024 jıl 14 may kúni «Shańaraq muqaddes» atamasında «Sarbinaz» mákan puqaralar jıyınında jasawshı Otaralievlar, Berdimuratovlar, Jantilewovlar shańaraqları arasında «Еń jaqsı kitapqumar shańaraq» kórik tańlawı bolıp ótti.

Tańlaw shártleri boyınsha Ersultan Qayıpraxmanov «Altın kese», Elenora Ibadullaeva «Arıq mergen», Arıujan Jantlewova «Aqıllı bala» atlı qaraqalpaq xalıq erteklerin aytıp jarıstı. Jarısqa qatnasıwshı analar perzentleri menen «Kitap avtorın tabıń» atamasında monitor arqalı kórsetilgen kitaplar avtorların tawıp ózara bellesti hám 3 shárt boyınsha qatnasıwshılar «Kitap-ilim hám bilim deregi» atamasında, kitap, kitapqmarlıq, kitap oqıw haqqında, 10 danalıq sózlerden aytısıp jarıstı. Tańlaw juwmaǵında 1 orındı Jantlewovlar, 2 orında Otaralievlar, 3 orındı Berdimambetovlar shańaraǵı iyelep, tańlaw qatnasıwshıları Qaraqalpaqstan Respublikası málimleme kitapxana orayı  tárepinen sawǵalar menen sıylıqlandı.