“Gender teńlikke erisiw strategiyası”

2024-jıl 16-may kúni Qaraqalpaqstan Respublikası Málimleme kitapxana orayında “Gender teńlikke erisiw strategiyası”  atamasında jaslar menen ushırasıw keshesi shólkemlestirildi.

       Kesheni Qaraqalpaqstan Respublikası Málimleme-kitapxana orayı Elektron resurslardan paydalanıw zalı sektor baslıǵı L. Pirnazarova ashtı hám alıp bardı.

       Keshege Nókis qalalıq keńesi deputatı “Eń úlgili deputat” A. Saypova,  OʻzLiDeP hayal-qızlar bólimi baslıǵı G.Xojanova, Social málimleme orayı qánigeleri A.Qudaybergenov, M.Boranbaev, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı tyuterı  E.Bazarbaeva,  Ájiniyaz atındaǵı Nókis mámleketlik pedagogikalıq institutınıń Fizika-matematika fakulteti tyuteri R.Tadjiev hám student jasları qatnastı.

        Nókis qalalıq keńesi deputatı A. Saypova  elimizdegi awızbirshiliktiń bekkemliligi, gender teńliktiń  xalıqlar arasında ele de rawajlanıwı, gúlleniwine tiykar jaratıp atırǵanlıǵın ayrıqsha atap ótti. G.Xojanova hayal-qızlar hám er adamlardıń huqıq hám de múmkinshilikleriniń teńligi haqqında, A.Qudaybergenov Gender teńlik túsinigi, jámiyet turmısı hám iskerliginiń barlıq tarawlarında, sonday-aq siyasat, ekonomika, huqıq, mádeniyat, tálim, ilim, sport munásibetlerinde hayal-qızlar hám er adamlardıń huqıq hám de múmkinshilikleriniń teńligin ańlatıwı, hayal-qızlarǵa jaratılıp atırǵan házirgi kúndegi imkanyatlar, qarar hám nızamlarǵa kiritilgen ózgerisler haqqında aytıp ótti.

   Keshe qatnasıwshıları, ózlerin qızıqtırǵan sorawların berip, juwaplar aldı.