
“Biz jaslar náshebentlikke qarsımız” atamasındaǵı ushırasıw keshesi haqqında
- By Арман --
- Wednesday, 05 Jun, 2024
2024 jıl 6-iyun kúni Qaraqalpaqstan Respublikası Málimleme kitapxana orayında 26- iyun Xalıq aralıq náshebenlikke qarsı gúresiw kúni múnásebeti menen “Biz jaslar náshebentlikke qarsımız” atamasında ushırasıw keshesi bolıp ótti. Kesheni Qaraqalpaqstan Respublikası Málimleme kitapxana orayı Huqıqıy maǵlıwmatlar sektorı baslıǵı N.Jumaniyazova ashtı hám alıp bardı.
Keshege Qaraqalpaqstan Respublikası Arttırılǵan immunitet jetispewshiligi sindromına qarsı gúresiw orayı shòlkemlestiriw metodika bòlimi sanitariya shıpakeri M.Bekniyazova hám shòlkemlestiriw metodika bòlimi epidemiolog shıpaker járdemshisi G. Uzaqbaeva, Qaraqalpaq mámleketlik universiteti docenti, yuridika ilimleri kandidatı X. Kabulov hám kitapqumar jaslar qatnastı.
Ilájda búgıngi kúnde jaslar arasında náshebentlik, onıń unamsız aqıbetleri, náshebentlikke qarsı gúresiwde jurtımızda islep shıǵılǵan bekkem huqıqıy tiykarlar haqqında, náshebentliktiǹ insan òmirine ziyan keltiriwshi tárepleri: bas, júrek, tuberkulyoz, hár túrlı keselliklerdi payda etetuǵınlıǵı, insannıń jámiyet ushın miynet etiw qábiletin, ar-namısın joǵaltıwı, hámme zatqa itibarsız bolıp qalıwı haqqında aytıp ótti.