Ulli Rus shayırı Aleksandr Sergeevich Pushkin tuwılǵanına 225 jıl tolıwı múnasibeti menen bolıp ótken keshe haqqında

2024-jıl 13-iyun kúni Qaraqalpaqstan Respublikasi Málimleme kitapxana orayında “Pushkin- velichayushiy russkiy poet ” atamasında Ullı Rus shayırı Aleksandr Sergeevich Pushkin tuwılǵanına 225 jıl tolıwı múnásibeti menen keshe shólkemlestirildi.Keshege Ájiniyaz atındaǵı Nókis mámleketlik pedagogika institutı shet tilleri fakulteti tyutorları F.Palwaniyazova, A.Orazbaeva hám fakultet student jasları qatnastı. Kesheni J.Tleubaeva ashtı hám alıp bardı. Ol óz sózinde A. S. Pushkin ómiri hám dóretiwshiligi, kitapxana fondı Pushkinnıń shıǵarmalarına bay ekenligi, jaslardıń ruwxıy jetilisiwinde kitap oqıwdıń áhmiyeti, hár bir insanda, hár bir kitapqumarda kitap oqiw mádeniyatin jánede rawajlandırıwımız kerekligi haqqında, F.Palwaniyazova jazıwshılardıń jaqsılıq hám jamanlıq, jaslar, jası úlkenler obrozları, elimizdiń tınıshlıq hám tatıwlıq, arzıw-umitlerin ámelge asırıw jolındaǵı jaratilǵan shiǵarmalardi kóbirek oqıw kerekligi haqqinda aytip ótti. Student jaslar A.S.Pushkinniń “Я вас любил...”, “Наслажденье”, “Я помню чудное мгновенье”  hám basqada shiǵarmalarinan úzindiler aytip berdi.