Korrupsiyaǵa qarsı gúresiw- jamiyet rawajlanıwınıń tiykarı

2024 jıl 5-iyul kúni Qaraqalpaqstan Respublikası Màlimleme-kitapxana orayında “Korrupsiyaǵa qarsı gúresiw-jamiyet rawajlanıwınıń tiykarı” atamasında sàwbet keshesi bolıp ótti.

Ilajǵa Qaraqalpaqstan Respublikası Màlimleme-kitapxana orayı yuriskonsulti X. A. Kabulov, Qaraqalpaqstan Respublikası Màlimleme kitapxana orayı baslanǵısh kásiplik awqamı komiteti baslıǵı M. A. Uteniyazova hàm kitapxana orayı xızmetkerleri qatnastı.

 Ilaj dawamında X.A. Kabulov óz bayanatında Ózbekstan Respublikası Prezidentiniń “Ózbekstan-2030” strategiyasına muwapıq, xalıq hám mámleket xizmetkerleriniń korrupsiyaǵa qarsı gúresiw salasındaǵı bilimlerin úzliksiz asırıp barıwdıń keń qamtılǵan sistemasın engiziw, Ózbekstan Respublikası Prezidentiniń 2024 -jıl 21-iyundaǵı PQ 228-sanlı Qararı hám Ózbekstan Respublikası Prezidenti Administratsiyasi janındaǵı Màlimleme hám ǵalaba kommunikaciyalar Agentliginiń 2024-jıl 25-iyundaǵı 121-sanlı buyrıǵınıń maqseti hám wazıypaları, mazmunı hám áhmiyeti haqqında  jıynalıs qatnasıwshılarınıń dıqqatına usındı.

Ilajda M.A. Uteniyazova sózge shıǵıp, ol óz sózinde sońǵı jıllarda mámleketimizde korrupsiyanıń aldın alıw hám oǵan qarsı gúresiw, mámleket hám jámiyet qurılısınıń barlıq tarawlarında korrupsiogen faktorlarǵa shek qoyıwǵa qaratılǵan keń kólemli reformalar izbe-iz ámelge asırılıp atırǵanlıǵı, bul illet hár qanday jámiyettiń ruwxıy etikasın jemiriwi, nızam ústinligin kúshsizlendiriwi, puxaralardıń huqıq hám erkinliklerinen ayrılıwı múmkinligi haqqında aytıp ótti.

 Ilaj sońında ózleriniń qızıqtırǵan sorawlarına juwaplar aldı.