“Kitap ruwxıy dunyamızdı bayıtıwshı kúsh” atamasında kitaplar kórgizbesi

Húrmetli Prezidentimiz basshılıǵında baslanǵan reformalar negizinde milletler aralıq tatıwlıq, keńpeyillik hám awızbirshilik ortalıǵın bekkemlew baslı waziypa etip belgilengen hám bul wazıypa ámelde óz kórinisin tawıp atır. Búgin mámleketimizde 130 dan aslam millet hám elat wákilleri jaqın tuwısqan bolıp jasap kelmekte.

2024-jıl 30-iyul  Xalıqlar doslıǵı kúni múnásibeti menen Nókis qalasında "DOSLÍQ" хаlıqaralıq festivalı ótkerildi. Festival sheńberinde mámleketlik bayraqlar maydanı hám orayliq amfiteatrda Gala koncertler, xalıq seyilleri, ónermentler kórgizbesi, aspazlar tańlawı hám basqada bir qatar ilajlar bolıp  ótti. Festivalda Qaraqalpaqstan Respublikası Málimleme-kitapxana orayı tárepinen “Kitap ruwxıy dunyamızdı bayıtıwshı kúsh” atamasında kitaplar kórgizbesi shólkemlestirildi. Kórgizbege jaslarımız arasında milletleraralıq tatıwlıq, jaslarımızdı jaqsılıqqa jetelewshı, doslıq hám awızbirshiliktiń áhmiyetin keńnen úgit násiyatlawshı kitaplar qoyıldı.