Qaraqalpaqstan Respublikası Málimleme-kitapxana orayında sport jarısı ótkerildi

2024-jıl 30-iyul kúni Qaraqalpaqstan Respublikası Málimleme-kitapxana orayında jumıs islep atırǵan hayal-qızlar arasında shashka hám dars boyınsha sport jarısı bolıp ótti. Xızmetkerler arasında sport jarısın ótkeriwdegi tiykarǵı maqsetimiz, xızmetkerlerimiz arasında salamat turmıs tárizin úgit-násiyatlaw arqalı jumıstıń nátiyjeliligin asırıwǵa kómeklesiw hám túrli kásiplik keselliklerden qorǵaw, sport hám  dene shınıqtırıwda kúndelik jumıs procesiniń bir bólegin qáliplestiriwden ibarat bolıp esaplanadı. Jarısqa 10 xızmetkerlerimiz qatnastı. Usı jarısta bahalawshı komissiya quramında Qaraqalpaqstan Respublikası Málimleme-kitapxana orayı direktori orınbasarı Z.Saparova, kásiplik awqamı komitetiniń baslıǵı M.Uteniyazova, kásiplik awqamı komitetiniń aǵzası N.Artıkovlar tárepinen qatnasıwshılar bahalap barıldı. Sport qatnasıwshıları eki «Qarlıǵash» hám «Sunqar» toparı óz ara bellesti.

Jarıs dawamında «Sunqar»  toparı epshilligi hám shaqqanlıǵı menen birinshi orındı, «Qarlıǵash» toparı ekinshi orınǵa iye boldı. Sonday - aq Qaraqalpaqstan Respublikası Málimleme-kitapxana orayı kásiplik awqamı komiteti tárepinen  jeńimpazlarǵa hám qatnasıwshılarǵa estelik sawǵalar tapsırıldı.