Kitapqumar analar kúni

Ózbekstan Respublikası Shańaraq hám hayal-qızlar komiteti hám Alisher Nawayı atındaǵı Ózbekstan Milliy kitapxanası menen birgelikte, hár aydıń 17-sánesi “Kitapqumar analar kúni” dep belgilengenligi múnásibeti menen Qaraqalpaqstan Respublikası málimleme -kitapxana orayında  2024-jıl 17-sentyabr kúni “Kitapqumar analar”  atamasında sáwbetlesiw keshesi bolıp ótti. Búgingi sáwbetlesiw keshesi 1 oktyabr «Muǵallim hám ustazlar» kúnine baǵishlanıp, «Máǵripet baǵınıń baǵbanısız -ustaz!» dep ataldı. Keshege Nókis qalası «Órnek» Màkan puqaralar jıyını belsendi kitapqumar anaları  Kurbaniyazova Periza, Asanova Altıngul, Rustemova Juzimgul, Xojambergenova Venera, Uteniyazova Raxima, «Shayırlar» mákan puqaralar jıyınınan Xalbaeva Klara, Kallibekova Venera, Abdreumova Shaydagul, Reymova Shaxnoza hám kitapqumar jaslar qatnastı.Ulıwma oqıw zalı sektorı baslıǵı B.Uteniyazova sózge shıǵıp, Ózbekstan Respubikası Prezidenti Sh. Mirziyoevtiń «Búgingi kúnde xabar kommunikaciya tarawındaǵı aqırǵı jetiskenliklerdi ózlestırıw menen birge, jaslardıń kitap oqıwǵa bolǵan qızıǵıwshılıǵın asırıwǵa, olardı kıtap penen dos bolıwǵa, xalıqtıń kitapqumarlıq dárejesin asırıwǵa ayrıqsha itibar qaratıw lazım» dep aytqan sózleri bız jaslardıń ruwxıy álemimizdi bayıtıwǵa qaratılǵan itibarınan derek beriwin hámde  kitap insandı aqıllı, bilimli, oziq oylı, etiw menen birge hayal-qızlarǵa jaratılıp berilip atırǵan imkaniyatlardan orınlı paydalanıp, kóbirek kitap oqıwdı úgit-násiyatladı. Keshe sońında miymanlar hám qatnasıwshılar ózleriniń oqıǵan kitapları haqqında sáwbetlesip, óz-ara pikir alıstı.