«Karakalpak şairi Äjiniyaz Kosıbay ulı» atamasındaǵı kitabıniń tanıstırıw máresimi

Álisher Nawayı atındaǵı Ózbekstan Milliy kitapxanasında, sonday-aq Qaraqalpaqstan Respublikası Málimleme-kitapxana orayında 2024-jıl 21-25 oktyabr kúnleri “INFOLIB OʻZBEKISTON-2024” XIII Milliy málimleme-kitapxana hápteligi bolıp ótpekte. Usı háptelik sheńberinde 2024-jıl 23-oktyabr kúni “Ájiniyaz Qosıbay ulı tuwılǵanınıń 200 jıllıǵı”na baǵıshlap, Qaraqalpaqstan Respublikası Málimleme-kitapxana orayında, Turkiya mámleketi Istanbul qalasındaǵı Túrk akademiyası professorı Xuseyn Yıldırım tárepinen túrk tiline awdarılǵan «Karakalpak şairi Äjiniyaz Kosıbay ulı» kitabıniń tanıstırıw máresimi bolıp ótti.Keshege Berdaq atındaǵı Qaraqalpaq mámleketlik universiteti   qaraqalpaq ádebiyatı kafedrası docenti, filosofiya ilimleriniń doktorı Ǵayrat Allamuratov, Ájiniyaz atındaǵı Nókis mámleketlik pedagogikalıq institutınıń Qaraqalpaq ádebiyatı kafedrası oqıtıwshısı  Zuxra Allanazarova, Qaraqalpaqstan Respublikası Málimleme kitapxana orayı direktor orınbasarı Zibagúl Saparova, Qaraqalpaqstan Respublikası Milliy gvardiya basqarması áskerleri, Qaraqalpaq màmleketlik universiteti " Kitapqumarlar klubi"  klub aǵzalari qatnastı.Ǵ. Allamuratov Turkiya mámleketi Istanbul qalasındaǵı Túrk akademiyası professorı Xuseyn Yıldırım tárepinen túrk tiline awdarılǵan «Karakalpak şairi Äjiniyaz Kosıbay ulı» kitabıniń  mazmunı haqqında aytıp ótti. "Kitapqumarlar klubı" aǵzaları ózleriniń tayarlaǵan saxnalıq kórinislerin, kórkem oqıwların, milliy ayaq oyınların qatnasıwshılarǵa inám etti.