Jasıl mákan

  Xalqımız ázelden topıraqtı, suwdı, tábiyattı muqaddes dep bilgen. “Birdi kesseń, ondı ek” degen dana naqıl biykarǵa aytılmaǵan. Shınında da jasap atırǵan aymaǵımızdı taza saqlap, ana tábiyatqa mehir hám itibar bersek keleshek áwlad hám múnásip ekologiyalıq sharayatta jasaydı. “Jasıl mákan” ulıwma  milliy joybarı ekologiyalıq jaǵdaydı jánede jaqsılaw hámde ıqlım ózgerislerine milliy sheshim sıpatındaǵı joybar boldı.Nál egip, baǵ jaratıw, tábiyattı taza saqlaw xalqımızdıń ásirler dawamında saqlanıp kiyatırǵan milliy qádiriyatlarımızdan biri bolıp esaplanadı. Elimizde dawam etip kiyatırǵan  “Jasıl mákan” ulıwma milliy joybarı sheńberinde Qaraqalpaqstan Respublikası Málimleme-kitapxana orayı hám rayonlıq málimleme-kitapxana orayları xızmetkerleri belsendi qatnaspaqta hám kitapxana orayları dógereklerine, óz aymaqlarına shırsha terekleri, miyweli hám sayamanlı tereklerdiń úsh mıńnan zıyat nállerin egip, “Jasıl mákan” ulıwma milliy joybarına óz úleslerin qostı.