
«Kitapqumar – Analar kúni»
- By Арман --
- Thursday, 16 Jan, 2025
Ózbekstan Respublikası Shańaraq hám hayal-qızlar komiteti hám Alisher Nawayı atındaǵı Ózbekstan Milliy kitapxanası menen birgelikte, hár aydıń 17-sánesi “Kitapqumar analar kúni” dep belgilengenligi múnásibeti menen 2025-jıl 17-yanvar kúni Hayal-qızlardı qollap-quwatlaw, olardıń mánawiyatın hám mádeniyatın joqarılatıw hám kitapqumarlıq shańaraqtan baslanadı, “Kitapqumar ana – kitapqumar bala” ideyasın aymaqlarda keń úgit-násiyatlaw maqsetinda “14-yanvar Watan qorǵawshılar kúni”niń 33 jıllıǵına baǵıshlanıp Qaraqalpaqstan Respublikası málimleme kitapxana orayında sáwbetlesiw keshesi bolıp ótti. Keshege Qaraqalpaqstan Respublikası málimleme kitapxana orayı qánegeleri Nókis qalası «Almazar» Màkan puqaralar jıyını belsendi kitapqumar ana Aziza Muratbaeva, «Órnek» Màkan puqaralar jıyını belsendi kitapqumar ana Umida Muratbaeva, «Baqshılıq» Màkan puqaralar jıyını belsendi kitapqumar ana Qumar Sarsenbaevalar qatnastı. Olar óz sózinde Watan qorǵawshı hayal-qızlar, úlken júrek iyesi, Watan qorǵawshı ana, perzentlerin tarbiyalawshı hayal dep keltirip, Watan qorǵawshılarına mashaqatlı jumıslarında úlken tabıslar tiledi hám «14-yanvar Watan qorǵawshılar» kúni menen bársheni qutlıqladı. Keshe dawamında Aziza Muratbaeva hám Qumar Sarsenbaevalar o'zleriniń eń sońǵı oqıǵan Tańlamalı shıǵarmalarınan, K.Raxmanovtıń «Arǵımaǵım» I.Yusupovtıǹ “Pazıylet”, “Watanǵa muhabbat” atamasındaǵı kitaplarınıń mazmunı, tárbiyalıq áhmiyeti hám insanıylıq pazıyletleri haqqında keń túrde aytıp berdi.