Moynaq hám Qońırat rayonı Málimleme – kitapxana orayı qánigelerine metodikalıq hám ámeliy járdemler kórsetildi

2025-jıl 27-28 yanvar kúnleri Qaraqalpaqstan Respublikası Málimleme – kitapxana orayı tárepinen Moynaq hám Qońırat rayon Málimleme kitapxana oraylarında alıp barılıp atırǵan jumıslar barısı menen tanısıp shıqtı. Tanısıw barısında  qánigelerge Málimleme-kitapxana jumıslarına tiyisli normativ hújjetlerdi júrgiziw, kitapxana fondınıń jumısların durıs shólkemlestiriw hámde kitap oqıwshılarǵa sapalı xızmet kórsetiw boyınsha túsinikler berildi.  Sonday – aq M. Uteniyazova kitaplarǵa qayta islew beriw jumısları hám de fondtı jaylastırıw tártibi,  veb saytları, sociallıq tarmaqları boyınsha, elektron resurslardan paydalanıw hám J. Tleubaeva kitapxana orayınıń paydalanıwshılarǵa xızmet kórsetiw xızmeti reje tiykarında ilajlardı ótkerip barıwın, kóshpeli kitapxanalardı ele de rawajlandırıwdı  másláhát berdi, formulyarlardı kórip shıǵıp  tolıqtırıp barıwın aytıp, kúndeliklerin dúziwde kemshiliklerge jol qoymawı kerekligi haqqında jol jobalar hám ámeliy járdem  kórsetildi.

Óz gezeginde qánigelerde qızıqtırǵan sorawların berip juwaplar aldı.