Múrájatlardı kórip shıǵıw arqalı tarawdaǵı sistemalı máselelerdi anıqlaw hám olardaǵı kemshiliklerdi saplastırıw imkaniyatı jaratıladı

Ózbekstan Respublikası Prezidentiniń 2018-jıl 21-noyabrdegi PQ-4024-san qararına muwapıq yuridikalıq hám fizikalıq táreplerdiń pochta baylanısı, telekommunikaciyalar hámde elektron mámleketlik xızmetlerin kórsetiw máseleleri boyınsha múrájatlerin nızam hújjetleri tiykarında kórip shıǵıw, Málimlemelestiriw hám telekommunikaciyalar tarawında qadaǵalaw inspekciyasınıń (“Ózkomnazorat” inspekciyası) tiykarǵı wazıypalarınıń biri etip belgilengen.Baylanıs hám málimlemelestiriw tarawında tutınıwshılar huqıqların qorǵaw, fizikalıq hám yuridikalıq shaxslardıń múrájatları menen islesiw, telekommunikaciya, pochta baylanısı, dáwirli baspasóz tarqatıw, teleradioesittiriw hám mobil baylanıs tarawında iskerligin alıp barıwshı operator hám provayderler tárepinen kórsetilip atırǵan xızmetler sapası “Ózkomnazorat” inspekciyası Qaraqalpaqstan Respublikası aymaqlıq bólimi tárepinen qadaǵalawǵa alınǵan.Qaraqalpaqstan Respublikası aymaqlıq bólimine 2024-jıl dawamında jergilikli telefon baylanıs xızmeti boyınsha 20, internet xızmeti boyınsha 322, mobil baylanıs xızmeti boyınsha 146, pochta baylanıs xızmeti boyınsha 3, teleradioesittiriw xızmetleri boyınsha 4 hámde basqada máseleler boyınsha 4 jámi 499 múrájat kelip tusken bolıp, sonnan 435 múrájat (87%) unamlı sheshilip, qalǵan múrájet iyelerine huquqıy túsinikler berildi.Múrájatlardı ornında unamlı sheshiw hámde baylanıs hám málimlemelestiriw tarawında kórsetilip atırılǵan xızmetler sapası boyınsha Respublikamız aymaǵındaǵı mashqalalardı sheshiw maqsetinde Qaraqalpaqstan Respublikası aymaqlıq bólimi tárepinen 2024-jıl dawamında 11 márte kóshpeli qabıllawlar ótkerilip, kóshpeli qabıllawlar dawamında tutınıwshılar tárepinen kelip túsken 66 múrájatten 62 múrájat unamlı sheshilip, qalǵan 4 múrájat iyelerine huquqıy túsinikler berildi.Húrmetli tutınıwshılar! Sizde baylanıs tarawında kórsetilip atırǵan xızmetler boyınsha mashqalalar payda bolsa yamasa usı tarawdaǵı ózlerińizdi qızıqtırǵan máseleler boyınsha “1144” qısqa nomerli isenim telefonı arqalı yamasa aymaqlıq bólimniń ózine tikkeley múrájat etiw múmkinshiligine iye ekenińizdi bildiremiz.