«Kitapqumar analar kúni» haqqında

Shańaraq hám hayal-qızlar komiteti hám de Milliy kitapxana menen birgelikte hár aydıń 17 sánesi «Kitapqumar analar kúni» dep belgileniwi múnásibeti menen 2025 jıl 17-mart kúni Qarqalpaqstan Respublikası málimleme kitapxana orayı zalında keshe shólkemlestirildi. Hayal-qızlarımız arasında kitapqumarlıqtı en jaydırıw, kitap oqıw mádeniyatın rawajlandırıw maqsetinde, «Kitapqumar analar kúni» keshesi  Nawrız bayramına baǵıshlandı.

Keshege kitapqumar analardan Tazagul Kalieva, Ulbiyke Dilmuratova, Ájiniyaz atındaǵı Nókis mámleketlik pedagogika institutı Qaraqalpaq tili hám ádebiyatı kafedrası oqıtıwshısı Zuxra Allamuratova, Muxabbat Abdimuratova, Qánigelestirilgen muzıka mektebi duwtarshı qızları hámde kitapqumarlar klubı aǵzaları qatnastı. Keshe dawamında Zuxra Allamuratova Qaraqalpaq  xalıq qosıǵı «Aydınlar»dıń kelip shıǵıw tariyxın hámde qosıqtı namaǵa salıp aytıp berdi.

Muzıka mektebi duwtarshı qızları tárepinen qaraqalpaq xalıq qosıqların aytıp keshege ózgeshe zawıq inam etti. Kitapqumarlar klubı aǵzaları tárepinen kitap, Ana, Watan haqqındaǵı qosıqlar kórkemlep oqıp berildi. Keshe sońında Málimleme kitapxana orayı atınan keshege belsene qatnasqanlar minnetdarshılıq penen sıylıqlandı.