«Altın nurlarında terbet dúnyanı» atamasındaǵı ádebiy keshe haqqında

      2025 jıl 18- mart kúni Ájiniyaz atındaǵı Nókis mámleketlik pedagogika institutı ózbek tili kafedrasında Ózbekstan xalıq jazıwshısı, shayır hám awdarmashı Asqat Muxtar tuwılǵanınıń 105 jıllıǵına baǵıshlanıp, «Altın nurlarında terbet dunyanı» atamasında ádebiy keshe  bolıp ótdi. Keshege institut oqıtıwshısı M. Abdimuratova, QR málimleme kitapxana orayı qánigeleri J. Tleubaeva, B. Uteniyazova hám kitapqumarlar klubı aǵzaları qatnastı. Keshe miymanları A. Muxtardıń ómiri hám dóretiwshiligine toqtalıp, jazıwshınıń dóretpeleri, sol dáwirdegi ózbek xalqı basıp ótgen tariyxıy jolları haqkında ekenliklerin aytıp ótti. Jazıwshı ádebiyattıń derlik hámme janrlarında sheberlik penen qálem terbetken ádebiyatımızǵa jańa tema, jańa obrazlar alıp kirgeni ushın da, ózine ılayıklı ornı  bar. Jazıwshı Sofokl, Shekspir hám basqa da jáhán shayırlarının dóretpelerin awdarmaladı. Shayırdın toplamlarına kirgen qosıqlarında ózbek poeziyasının bay ekenligi kórsetilgen, avtordıń turmıs haqqındaǵı oyı, sol dáwirge baylanıslı filosofiyalıq baqlawları jarıtılıp berilgen. Keshe qatnasıwshıları shayırdıń qosıqlarınan oqıp berdi.