«Konstituciya – tınıshlıq hám  tatıwlıǵımız belgisi»

2025-jıl 8-aprel kúni, Qaraqalpaqstan Respublikası Málimleme kitapxana orayında Qaraqalpaqstan Respublikası Konstituciyası qabıl etilgen kúniniń 32 jıllıǵı múnásibeti menen    "Konstituciya – tınıshlıq hám  tatıwlıǵımız belgisi" atamasında jaslar menen ushırasıw keshesi bolıp ótti. Keshege Berdaq atındaǵı Qaraqalpaq mámleketlik universiteti dotcenti, yuridika ilimleri kandidati X. Kabulov, Nókis qalası 2-sanlı politexnikumi oqıtıwshı hám student jasları, Qaraqalpaqstan Respublikası kózi ázziler arnawlı kitapxanası qánigeleri qatnastı.

Hár bir mámlekettiń dúnya júzlik siyasiy maydanda mámleket sıpatında óz ornına iye bolıwında, óziniń rawajlanıw jolın belgilep alıwında, dúnyanıń rawajlanǵan mámleketler qatarınan orın alıwında Konstituciyanıń tutqan ornı úlken áhmiyetke iye. Sonıń menen birge konstituciya insan huqıqları eń joqarı qádiriyat ekenligin ańlatıwshı, erkinliklerin belgilewshi hám bekkemlewshi, sonday-aq, jámiyetlik struktura tiykarların basqarıw forması hám mámleketlik dúzim tiykarın, olardıń wákillikleri hám óz-ara qatnasıqların belgileytuǵın tiykarǵı hújjet esaplanatuǵınlıǵın óz bayanatlarında keltirip ótti hám Qaraqalpaqstan Respublikası kózi ázziler arnawlı kitapxanası qánigeleri tárepinen shólkemlestirilgen “Kitap keleshek shamshıraǵı” atamasındaǵı kitap kórgizbesi menen oqıwshı jaslardı tanıstırdı.