“Qálbimizde jasaw da sadıqlıq” atamasındaǵı “9-may Eslew hám qádirlew kúni”ne baǵıshlanǵan keshe

2025-jıl 7-may kúni Qaraqalpaqstan Respublikası Málimleme kitapxana orayı hámde 21131-sanlı  Аrqa-Batıs àskeriy оkrugi menen  birgelikte, Ekinshi jer júzlik urısında jeńiske eriskenine  80-jıl tolıw múnásibeti menen 9-may Eslew  hám qádirlew kúnine baǵıshlanıp “Qálbimizde jasaw da sadıqlıq” atamasında keshe bolıp ótti. Keshege maiyor A. Xojaniyazov, Podpolkovnik D.Allamuratov, 21131-sanlı Arqa Batıs áskeriy okrug kitapxanashısı E.Ernazarova hám okrugı áskerleri, Qaraqalpaqstan Respublikası Málimleme-kitapxana orayıqánigeleri J. Tleubaeva, B. Uteniyazova, Nókis  mámleketlik texnika universiteti tyuterı J.Qdırniyazov hám fakultet jasları qatnastı. Kesheni E.Ernazarova ashtı hám alıp bardı. Ol bárshe áskerlerdi Ekinshi jer júzlik urısında jeńiske eriskenine  80-jıl tolıw múnásibeti menen  qutlıqlap, elimiz tınıshlıǵın, xаlıq аbаdаnlıǵın tàmiyinlew ázelden ata-babamızdıń tiykarǵı maqsetlerinen biri sanalǵan. Sebebi, tınıshlıq húkim súrgen jerde ǵana qut-bereket, kewillerde tınıshlıq hám iste rawajlanıw bolatuǵınlǵı, A. Xojaniyazov Watanımızdıń tınıshlıǵı, elimizdiń abadanlıǵı jolında gúresken ata-babalarımızdı eske alar ekenbiz olar basıp ótken jollar kóz aldımızda sáwlelenedi. Olardıń mártlikleri hám mashaqatlı ómirleri bizge hám perzentlerimizge bárqulla órnek boladı deb sózin juwmaqladı. D.Allamuratov 1941-1945-jıllardaǵı  Ekinshi jáhán urısta Ózbekstan xalqı da urıs maydanı hám front artında úlken pidayılıq, mártlik kórsetip, fashizm ústinen erisilgen jeńiske múnásip úles qostı. Urıs, onda qatnasqan insanlar taǵdiri haqqinda esitkenimizde, oqıǵanımızda búgingi párawan turmısta jasap atırǵanımızǵa, atqan hár bir tańımızdı jaqınlarımız benen birge qarsı alıp atırǵanımizǵa  mıń ret shúkirlik etemiz.J.Qdırniyazov Ekinshi jáhán urısı pútkil insaniyatqa apatshılıq keltirdi, sonday-aq biziń xalqımızǵada sheksiz joǵaltıwlar alıp keldi. Urıs maydanlarında qaharmanlıq kórsetken, front artında miynet etken, bizge tınıshlıq alıp kelgen qádirli nuraniylarımızǵa bas iyemiz dep sózin dawam etti.J. Tleubaeva usı bayram ǵárezsiz Ózbekstanda ásirler dawamında mártlershe elimizdi qorǵaǵan onıń erkinligi hám ǵárezsizligi, xalqımızdıń tınıshlıǵı ushın gúresken watanlaslarımız esteligine baǵıshlanǵanlıǵı haqqında, B. Uteniyazova jurt basshımız tárepinen barlıq imkaniyatlar jaratılǵanlıǵı, olardan únemli paydalanıw kerek ekenligin, keleshek jaslardiki, olar menen maqtansaq arzıydı dep sózin aytıp ótti. Keshege qatnasqan ziyalı jaslar hám áskerler Watan, Ana haqqında jazǵan qosıqlarınan oqıp berip keshe qızıqlı juwmaqlandı.