Kitap  avtorınan  kitaplar  sawǵa  etildi

         Qaraqalpaqstan Respublikası Málimleme kitapxana orayına 2025-jıl 8-may kúni Ózbekstan jurnalistika hám ǵalaba kommunikaciyalar universiteti docenti, filologiya ilimleri kandidatı Perxan Allambergenova «Televideniye evolyutsiyasi va zamonaviy tendensiyalar», «Қазақ телевизиясы»,  «Елдидар» atamasındaǵı kitaplarınan  sawǵa sıpatında tapsırdı.«Televideniye evolyutsiyasi va zamonaviy tendensiyalar»  atamasındaǵı kitabında Qaraqalpaqstan televideniesiniń evolyuciyası hám zamanagóy tendenciyalarınıń qáliplesiw basqıshları, Jańa Ózbekstan sharayatında Qaraqalpaqstan televideniesiniń jetiskenlikleri hám kemshilikleri, sonday-aq, televideniede konvergenciya, integraciya, milliy-mádeniy dástúrlerge ámel etiw, modifikaciya, transformaciya máseleleri teoriyalıq hám ámeliy jaqtan izertlengenligi bayan etilgen.«Қазақ телевизиясы» kitabı enciklopediya  bolıp, onda belgili insanlar haqqında, adamlardıń yadında saqlanıp qalǵan telekórsetiwler haqqında mazmunlı hám  áhmiyetli  maǵlıwmatlar keltirilgen.«Елдидар» kitabında "Qazaqstan" televideniesinde kórsetiletuǵın telekórsetiwler haqqında maǵlıwmatlar orın alǵan.Kelip túsken kitaplar oqıwshılar ushın qızıqlı, mazmunlı hám paydalı bolıp, olardıń bilim hám dúnyaqarasın keńeytiwge xızmet etedi. Sonday eken, bilim hám rawajlanıw mákanı bolǵan kitapxanaǵa qosqan úlesi ushın kitap avtorina Qaraqalpaqstan Respublikası Málimleme kitapxana orayı jámááti hám kóp sanlı kitap oqıwshıları atınan óz minnetdarshılıǵımızdı bildiremiz.  Barlıq kitapqumarlardı jańa kitaplar menen tanısıwǵa mirát etemiz!