«Tariyxıy shıǵarmalardıń jaslar tárbiyasında tutqan ornı» atamasında Xabarlandırıw kúni

2025 – jıl 16– iyun kúni Qaraqalpaqstan Respublikası Málimleme-kitapxana orayında «Tariyxıy shıǵarmalardıń jaslar tárbiyasında tutqan ornı»  atamasında Xabarlandırıw kúni bolıp ótti. Xabarlandırıw kúnine Ózbekstan mámleketlik kórkem-óner hám mádeniyat institutı Nókis filialı student jasları hámde Málimleme-kitapxana orayı paydalanıwshıları qatnastı. Maǵlıwmat bibliografiya xızmeti bas bibliografı G. Tajimuratova jaslar tariyxıy shıǵarmalardı oqıw arqalı ata–babalarımızdıń basıp ótken miynet jolların úyrene otırıp, óz tuwılǵan jerine muhabbatı artıp baratuǵınlıǵın, óz watanına hadal xızmet etetuǵın márt insanlar bolıp jetisetuǵınlıǵın aytıp ótti. Bunnan keyin qatnasıwshılardı kitapxana orayina jańadan kelgen 28 atamadaǵı  ádebiyatlardıń qısqasha mazmunı menen tanıstırdı. Qatnasıwshılar ózlerin qızıqtırǵan  jańa ádebiyatlar menen jaqınnan tanısıp maǵlıwmatlarǵa iye boldı.