«Kitapqumar – Analar kúni»

Ózbekstan Respublikası Shańaraq hám hayal-qızlar komiteti hám Alisher Nawayı atındaǵı Ózbekstan Milliy kitapxanası menen birgelikte, hár aydıń 17-sánesi “Kitapqumar analar kúni” dep belgilengenligi múnásibeti menen 2025-jıl 17-  iyun kúni Hayal-qızlardı qollap-quwatlaw, olardıń mánawiyatın hám mádeniyatın asırıw hám “Kitapqumarlıq shańaraqtan baslanadı, kitapqumar ana – kitapqumar bala” ideyasın aymaqlarda keń úgit-násiyatlaw maqsetinde Qaraqalpaqstan Respublikası málimleme kitapxana orayında sáwbetlesiw keshesi bolıp ótti. Keshege Qaraqalpaqstan Respublikası málimleme kitapxana orayı direktor orinbasari Z.Saparova, Nokis qalasi “Sarbinaz”, «Órnek», «Gulzar» Màkan puqaralar jıyını belsendi hayal-qizları  hám kitapqumar analar qatnastı.  Keshe dawamında belsendi kitapqumar ana Tazabiyke Kalieva shayıra G. Dauletovanıń «Házireti hayal» shıǵarmasındaǵı qosıqlarinan oqıp berdi, Gulzira Sultanova hám Raya Nurimbetovalar ózleriniń eń sońǵı oqıǵan Tańlamalı shıǵarmalarınan,  I.Yusupovtıǹ “Pazıylet”, “Watanǵa muhabbat”, K.Raxmanovtıń «Arǵımaǵım»   atamasındaǵı kitaplarınıń mazmunı, tárbiyalıq áhmiyeti hám insanıylıq pazıyletleri haqqında keń túrde aytıp berdi.