“Òmiriǹdi qádirle insan”

2025-jıl 26-iyun kúni Qaraqalpaqstan Respublikası Málimleme kitapxana orayında 26-iyun - Xalıqaralıq náshebentlikke qarsı gúresiw kúni múnásibeti menen student jaslar menen birgelikte sáwbetlesiw keshesi shòlkemlestirildi.

Keshege Berdaq atındaǵı Qaraqalpaq mámleketlik universiteti Geografiya hám tábiyiy resurslar fakulteti, geografiya qánigeligi oqıtıwshısı  N.Xudaybergenov hám student jasları, Qaraqalpaqstan Respublikası Málimleme kitapxana orayı qánigeleri  A.Arzımbetova,  N.Jumaniyazovalar  qatnastı.

Sáwbetlesiw keshesinde Náshebentlikke qarsı "Ásir vabası" dep táriyp berilgeni biykarǵa emes ekenligi, sonday-aq búgingi kúnde usı illet sebepli insaniyattıń salamatlıǵı, táǵdiri hám keleshegine qáwip salınıp atırǵanlıǵı haqqında aytıp òtildi. Sonıń menen birge náshebentlikti keltirip shıǵaratuǵın zıyanları esapsız ekenligi onıǹ ózine, shańaraǵına, kásibine, oqıwına salıstırǵanda qızıǵıwshılıq qalmaytuǵınlıǵı haqqında sòz bardı. Jaslar sáwbet barısında òzlerine kerek bolǵan maǵlıwmatlarǵa iye boldı.