Kitap kórgizbe

Ózbekstan Respublikası Ǵárezsizliginiń 34 jıllıǵı múnásibeti menen «Watan ushın, millet ushın, xalıq ushın» súreni tiykarında ulıwma milliy birlik festivalı sheńberinde 19-avgust kúni «Doslıq» kanalı boyında jaslar maydanshasında iláj bolıp ótti.

Ilájda Qaraqalpaqstan Respublikası Málimleme kitapxana orayı kitap kórgizbesi menen qatnastı.   

Kórgizbeden kitapxana orayı fondındaǵı úlkemizge tiyisli Watan, Ǵárezsizlik, doslıqtı jırlawshı jańa ádebiyatlar, ózbek, qarakalpaq tilindegi kórkem  ádebiyatlar, sonday-aq jáhán ádebiyatı dúrdanaları orın aldı. Bul kitap kórgizbedegi ádebiyatlar festival qatnasıwshılarında úlken qızıǵıwshılıq oyattı.