«Júregim tórinde sayraǵan búlbilim» atamasındaǵı ushırasıw keshe

Qaraqalpaqstan Respublikası Málimleme-kitapxana orayında 2025-jıl 25- noyabr kúni qaraqalpaq tiline mámleketlik til biyligi berilgenine 36-jıl tolıwı múnásibeti menen «Júregim tórinde sayraǵan  búlbúlim» atamasında   ushırasıw keshesi shólkemlestirildi.  Keshege Ajiniyaz  atındaǵı Nókis  mámleketlik  Pedagogika institutı, Anıq pánler fakulteti tyutorlari M. Aytmuratova, G. Atajanovalar  hám student jaslar qaraqalpaq tili haqqındaǵı pikirleri menen  qatnastı. Keshede til - millettiń ólmes ruwxı, ótkir quralı, bekkem qorǵanı,  hám maqtanıshı. Til arqalı hár bir insan gózzallıqqa umtıladı, ómirden lázzet aladı, quwanadı, qıynaladı, hámme nárseni túsinedi. Til sanani bayıtıw  menen birge aqıldı jámleydi. Til qancha bay bólǵan sayın, xaliqta bay boladi. Til hár bir millettiń sóyler sózi, ózligi, onıń kim ekenligin bildiretuǵın belgisi. Eger til joq bolsa, millet joq boladı degeni. Neshe ásirden búgingi dáwirimizge jetip kelgen ana tilimizdi ele de ádiwlep, qásterlep, sap taza halında keleshek áwladqa jetkeriwde ilimpazlardıń ornı girewli ekenin aytıp ótti.