"Ózbekstan kitapxanaları ushın RGB Virtual oqıw zallarınıń resursları hám imkaniyatları" atamasındaǵı vebinar

2025-jıl 1-dekabr kúni Rossiya Mámleketlik kitapxanası tárepinen "Ózbekstan kitapxanaları ushın RGB virtual oqıw zallarınıń resursları hám imkaniyatları" atamasında vebinar shólkemlestirildi. Onlayn vebinar Zoom platforması arqalı ótkerilip, onda Qaraqalpaqstan Respublikası Málimleme-kitapxana orayınıń qánigeleri hám ilimiy xızmetkerler, doktorantlar belsene qatnastı. Vebinar dawamında RGBniń virtual oqıw zalları, olardıń imkaniyatları, sonday-aq, usı resurslardan Ózbekstan kitapxanaları menen birgelikte nátiyjeli paydalanıw máseleleri dodalandı.