"Kitapqumarlıq ruwxıy baylıq tiykarı"

"Kitapqumar millet" uranı astında VI Respublikalıq "Kitapqumarlıq hápteligi" sheńberinde 2026-jıl 16-aprel kúni Qaraqalpaqstan Respublikası málimleme kitapxana orayında Qaraqalpaqstan Respublikası xalıq shayırı, Qaraqalpaqstan Respublikasına xızmet kórsetken mádeniyat xızmetkeri, "Shuhrat" medalınıń iyesi Ábilqasım Ótepbergenovtıń 75 jasqa tolǵan yubiley sánesi múnásibeti menen  «Qaraqalpaq poeziyasınıń ádil jırshısı» atamasında  ushırasıw  keshesi bolıp ótti.

 Keshege Ábilqasım Ótepbergenov hám Jumaniyaz Óteniyazovlar miyman sıpatında shaqırıldı. Miymanlar kitapqumar jaslarǵa dóretiwshilik jumıslarında bolıp ótken waqıyalar haqqında aytıp berdi. Keshege  Ábilqasım  Ótepbergenovtıń kitapxana fondında bar bolǵan kitaplarınan kitap kórgizbesi shólkemlestirildi.

Keshe sońında Ábilqasım Ótepbergenov óziniń baspadan shıqqan kitapların málimleme-kitapxana orayı fondına sawǵa etti.