«Kitapqumar millet» uranı astında VI Respublikalıq «Kitapqumarlıq hápteligi» sheńberinde kitap oqıwshılarımız ushın ekskursiyalar dawam etpekte

2026-jıl 17-aprel kúni Qaraqalpaqstan Respublikası Málimleme-kitapxana orayında «Kitapqumar millet» uranı astında VI Respublikalıq «Kitapqumarlıq hápteligi» iniń jabılıw máresiminde de kitap oqıwshılarımız ushın ekskursiyalar shólkemlestirildi.

Bul kúni Qaraqalpaqstan Respublikası Málimleme-kitapxana orayı jumısları menen Ózbekstan mámleketlik dene tárbiyası hám sport universiteti Nókis filialıniń ustazları menen birgelikte, Qaraqalpaqstan Medicina institutiniń «Medicinalıq ámeliyat» fakulteti, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń «Ekonomika hám buxgalteriya qánigeligi» fakulteti hámde Nókis mámleketlik pedagogika institutınıń «Anıq pánler» fakulteti 1-2 kurs studentleri hámde tyuterleri menen birgelikte ekskursiyamızdı dawam etildi. Sayahat dawamında ulıwma oqıw zalı, úlketanıw - málimleme, elektron resurslar hám olardan paydalanıw zalı sektorları, málimleme kommunikaciya texnologiyası hám raqamlastırıw xızmetiniń jumısları menen tanısıp shıqtı.

Sayahatımız dawamında Málimleme-kitapxana orayında alıp barılıp atırǵan jumısları haqqında maǵlıwmatlarǵa iye boldı.

Bul ilajlardı ótkeriwdegi maqseti xalqımızdı, sonday-aq jaslar arasında kitapqumarlıq mádeniyatın arttırıw, kitap oqıwǵa bolǵan qızıǵıwshılıqtı arttırıw hám ruwxıy-aǵartıwshılıq úgit-násiyatlawdı kúsheytiwden ibarat bolıp esaplanadı.