Qaraqalpaq milliy naqıl maqallarınan “Mıń bir naqıl” atamasındag‘ı bellesiw haqqında

2021 jıl 6-aprel kúni Qaraqalpaqstan Respublikası Málimleme-kitapxana orayında “Mıń bir naqıl” atamasında Qaraqalpaq milliy naqıl maqallar bellesiw ilajı ótkerildi. Ilajg‘a Berdaq atındag‘ı Qaraqalpaq mámleketlik universiteti, Ózbekstan mámleketlik  mádeniyat hám  kórkem-óner institutı Nókis filialı hám  Tashkent mámleketlik agrar universiteti Nókis filialınıń student jasları hám Málimleme kitapxana orayı kitap oqıwshıları hám qánigeleri  qatnastı.

Ilajdı Qaraqalpaqstan Respublikası Málimleme-kitapxana orayınıń direktor orınbasarı Z.Saparova ashıp berdi.

Ilajdı D. Tajetdinova alıp bardı hám jyuri ag‘zaları, jarıs shártleri menen tanıstırdı.

Jarıs 3 shártte, qaraqalpaq xalıq naqıl maqalların aytısıp, Qaraqalpaq Mámleketlik Universitetiniń “Kitapqumar qızlar” toparı, Ózbekstan Mámleketlik  mádeniyat hám  kórkem-óner institutı Nókis filialınıń “Kitapqumarlar” toparı hám  Tashkent mámleketlik agrar universiteti Nókis filialınıń “Tafakkur” toparları óz ara bellesip, juwmag‘ında «Kitapqumar qızlar» toparı sheshenlik penen 1-orındı iyeledi.

Topardı bahalawda jyuri ag‘zaları Z.Saparova, V.Tanirbergenova, G.Abbazova,  A.Adaybekovalar qatnastı. Keshe sońında jarıs qatnasıwshılarına Qaraqalpaqstan Respublikası Málimleme-kitapxana orayı jámááti tárepinen sawg‘alar tapsırıldı.