Ertekterapiya

     2022-jıl 13-may kúni  Qaraqalpaqstan Respublikası Málimleme-kitapxana orayı tárepinen  Nókis qalası 12-sanlı mektepke shekemgi bilimlendiriw shólkeminde baqsha tárbiyalanıwshıları ushın  ertekterapiya shólkemlestirildi.

Ertekterapiyanı shólkemlestiriwdegi maqset kishkene balalardı baqsha jasınan baslap kitapqumarlıqqa tartıw, oy-órisin asırıw, shaqqanlıqqa úyretiw bolıp esaplanadı. Ertekterapiyaǵa Nókis qalasındaǵı  12-sanlı mektepke shekemgi bilimlendiriw shólkeminiń metodisti  Aysara Alashova,  2-kishi toparı tárbiyashısı A.Naginbetova,  Málimleme-kitapxana orayı Elektron resurslardan  paydalanıw, oqıw zalları xızmeti baslıǵı J.Tlewbaeva, Úlketanıw mag‘lıwmatlar sektorı baslıg‘ı G.Ablakimova hám mektepke shekemgi bilimlendiriw  shólkeminiń 2-kishi topar tárbiyalanıwshıları qatnastı.

G. Ablakimova balalardıń erteklerdi súyiwge, olardan kóp paydalı órnek alıwǵa úndewshi “Ertekterapiya” dep atalǵan oyın ótkerdi. “Ertek kitapları qonaqda” temasında ertekler álemine sayaxat, “Tapqan tapalaq” atamasındaǵı jumbaq aytıw  jarısı hám de “Ertektegi qaharmandı tap” atlı jarıslar ótkerdi.

Keshe sońında mektepke shekemgi bilimlendiriw shólkeminiń tárbiyalanıwshıları ózleri bilgen erteklerin, qosıqların aytıp berdi.