«Kitap-turmıstı jaratıwshı tárbiyashı»

2022-jıl 15-avgust kúni Qaraqalpaqstan Respublikası Málimleme kitapxana orayında «Jańa oyanıw dáwiri kitap hám kitapxanalardan baslanadı» uranı astında «Kitap-turmıstı jaratıwshı tárbiyashı» atamasında kitap kórgizbesi shólkemlestirildi.

Bul kórgizbede Málimleme kitapxana orayı altın ǵáziynesinde saqlanıp atırģan jamiyet hám jaslar arasında kitapqumarlıqtı úgit-násiyatlaw, olarǵa ruwxıy , ádebiy-estetik talaplarına juwap beretuģın milliy hám jáhán ádebiyatları orın aldı.

Kórgizbede jaslardıń sana sezimin rawajlandırıw, ruwxıy jetik hám bárkámal áwladtı jetilistiriw, olardıń jámiyette óz ornın iyelewinde bilimler káni bolǵan kitaptıń ornı júda úlken ekenligi, sonıń menen birge, kitap úgit-násiyatlawı arqalı ruwxıy -bilimlendiriw jumıslar natiyjeliligin kóteriwin, “Kitap - iygilikli maqsetlerge baslawshı jol” ekenligi, kitaptı súyiwshi, odan únemli paydalanıwshı jaslar búgingi kúnde óz bilimi sebepli Prezident sıylıǵı menen sıylıqlanıp atırģanlıģı bir neshe kitapqumar jaslar mısalında aytıp ótildi.