«Kewil múlki-dóretiwshilikke tolı shayır» atamasında ushırasıw keshe shólkemlestirildi.

                Qaraqalpaqstan  Respublikası  Málimleme-kitapxana orayında   2022- jıl  19-avgust  kúni, Nókis qalası  №11 mektep jámááti menen birgelikte, Qaraqalpaqstan  Respublikası  Ministrler Keńesiniń 2022 jıl 10-avgust   bayanatında  tiykarlanıp,       Qaraqalpaqstan  Respublikasında  mádeniy  ilajlardı  ótkeriw boyınsha «Jańa oyanıw dáwiri kitap hám kitapxanalardan baslanadı» uranı astında , «Kewil múlki - dóretiwshilikke  tolı shayır» atamasında, Ózbekstan   Respublikasında  xızmet  kórsetken jurnalist, Qaraqalpaqstan  Respublikasına   miyneti  sińgen  mádeniyat xızmetkeri, “Ayqulaq”  tele-kórsetiwi    baslawshısı, miyman Altıngúl Óteniyazova menen ushırasıw keshesi  shólkemlestirildi.  Ushırasıw   keshede  miymanlarǵa,  Altıngúl   Óteniyazova  óz sózinde,  dóretiwshiligi haqqında, tuwılǵan  jer, Ana-Watan, tábiyat, sadıqlıq, muhabbat hám  olardı  ulıǵlawdı  óz qosıqlarınıń baslı teması etip alǵanı haqqında aytıp ótti. Soń sózge shıqqanlar, shayır hám baslawshı sóz sheberiniń  dóretpelerindegi  qaharmanları, namalı  qosıqları,  haqqında  jaqsı pikirler bildirdi.  Ushırasıw keshede  Nókis qalalıq №11 mektep  oqıtıwshıları hám oqıwshıları   shayırdıń jazǵan qosıqların atqardı, soń ózlerin qızıqtırǵan sorawların berip, juwaplar aldı.