Qaraqalpaqstan Respublikası Málimleme-kitapxana orayında «100 kitap joybarı» atamasinda kòrik tańlaw bolip òtti.

Qaraqalpaqstan Respublikası Málimleme-kitapxana orayında O’zbekistan Respublikası Ministirler Kabineti 2020-2025-jıllarda kitapxanlıq màdeniyatın rawajlandırıw hàm qollap-quwatlaw milliy dàstùrdi tastıyıqlaw tuwrısında 2020-jıl” 4-dekabrdegi 781-san qararında belgilengen wàzıypalar atqarılıwın nátiyjeli támiyinlew maqsetinde «100 kitap joybarı» boyınsha kórik-tańlaw ótkerildi.

   Tańlawdı Elektron resursların paydalanıw hám oqıw zallari xızmeti baslıǵı J. Tlewbaeva kiris sózi menen ashtı hám tańlaw qatnasıwshıların jàne bir màrte tańlaw qaǵıydaları hàm shártler menen tanıstırdı.

  Tańlaw qatnasıwshıların bahalab barıw ushın komissiya aǵzaları Elektron resurslardanpaydalanıw hám oqıw zallari xızmeti baslıǵı J. Tlewbaeva, Maǵlıwmat bibliografiya xızmeti baslıǵı G. Abbazova, Qaraqalpaqstan Respublikası Màlimleme-kitapxana orayı kásiplik awqamı komiteti baslıǵı M. Uteniyazovalar saylandı.

  Tańlawǵa Qaraqalpaqstan Respublikası Màlimleme-kitapxana orayınıń 10 qániygesi qatnasıp óz-ara bellesti. Tańlaw qatnasıwshıları tayarlap kelgen kitapların mazmunı -mánisi, ideyası hám áhmiyetine túsindirme berdi, kásiplik jóneliste prezentaciya arqalı bir ádebiyattı tanıstırdı, prezentaciya dawamında qatnasıwshılar tàrepinen berilgen sorawlarına juwaplar berildi. Nàtiyjede jeńimpazlıqtı Elektron resurslardan paydalanıw hám oqıw zalı sektorı baslıǵı L. Pirnazarova, ekinshi orındı Ulkashunoslik sektorı baslıǵı G. Ablakimova, úshinshi orındı Màlimleme-kitapxana fondların jàmlew xızmetiniń qániygesi M. Pirmanovalar iyeledi.